មនុស្ស បាននិងកំពុងប្រើប្រាស់ជីវៈចម្រុះ(ជាពន្ធុ) ដើម្បីផលិតជាពូជរុក្ខជាតិនិងដំណាំផ្សេងៗ ចំណែកជីវៈចម្រុះ (ជាប្រភេទ) ត្រូវបានមនុស្សទាញយកផលប្រយោជន៍មកប្រើធ្វើជាស្បៀងអាហារ ឱសថ និងផលិតផលឧស្សាហកម្មកែច្នៃផ្សេងៗ ហើយជីវៈចម្រុះ(ជាប្រព័ន្ធអេកូឡូស៊ី) បានដើរតួនាទីជាអ្នកបន្សុទ្ធទឹក ផលិតឧស្ម័នអ៊ុកស៊ីសែន ការពារគ្រោះទឹកជំនន់ គ្រោះមហន្តរាយធម្មជាតិ និងដំណើរបង្កាត់លំអង ជាដើម។ លើសពីនេះ ជីវៈចម្រុះ ជាឃ្លាំងចំណេះដឹងរបស់មនុស្ស និងពោរពេញដោយភាពអាថ៌កំបាំងសម្រាប់មនុស្សជាតិ។ ប្រទេសកំពុងអភិវឌ្ឍន៍ និងក្រីក្រ ក៏ដូចប្រទេសជឿនលឿន បានពឹងអាស្រ័យយ៉ាងខ្លាំងនូវធនធានធម្មជាតិ ពោលគឺប្រើប្រាស់ជីវៈចម្រុះ សម្រាប់ការអភិវឌ្ឍសេដ្ឋកិច្ចជាតិ ដែលបានរួមចំណែកមួយភាគធំដល់ផលិតផលក្នុងស្រុកសរុប(GDP) របស់ប្រទេសទាំងនោះ។ ទោះជាយ៉ាងនេះក្តី យើងទាំងអស់គ្នាត្រូវចូលរួមថែរក្សា ការពារ និងធ្វើឱ្យប្រាកដថាជីវៈចម្រុះ នៅតែមានវត្តមាន និងមានសុខុមាលភាពជារៀងរហូត។
![](/sites/default/files/styles/big_banner_small/public/2018-12/big-banner-dbd%402x_0.jpg?itok=hTBeeLeX)
ជីវៈចម្រុះ
ផ្នែកនិមួយៗរបស់ជីវៈចម្រុះ (មានពន្ធុ ប្រភេទ និងប្រព័ន្ធអេកូឡួស៊ី) បានផ្ដល់យ៉ាងសម្បើមនូវវត្ថុធាតុដើមនានា និងសេវាជាច្រើន សម្រាប់ទ្រទ្រង់ជីវិតមនុស្សជាតិ។