សមិទ្ធផលកម្មវិធីសម្ព័ន្ធភាពប្រែប្រួលអាកាសធាតុកម្ពុជា ដំណាក់កាលទី៣ (CCCA3)

Date of publication: 18 December 2024
Author: Ministry of Environment and CCCA3
Language: Khmer
Type: Document
Page: 62

កម្មវិធីសម្ព័ន្ធភាពប្រែប្រួលអាកាសធាតុកម្ពុជា (CCCA) គឺជាគំនិតផ្តួចផ្តើមស្តីពីការប្រែប្រួលអាកាសធាតុនៅកម្ពុជាតាំងពីឆ្នាំ២០១០។ កម្មវិធីនេះផ្អែកលើភាពជាដៃគូរវាងរាជរដ្ឋាភិបាលកម្ពុជា ដែលតំណាងដោយក្រសួងបរិស្ថាន និងក្រុមប្រឹក្សាជាតិអភិវឌ្ឍន៍ដោយចីរភាព និងដៃគូអភិវឌ្ឍន៍ រួមមានសហភាពអឺរ៉ុប កម្មវិធីអភិវឌ្ឍន៍សហប្រជាជាតិ (UNDP) និងប្រទេសស៊ុយអែត។ ដាណឺម៉ាក និងចក្រភពអង់គ្លេសក៏បានចូលរួមចំណែកក្នុងដំណាក់កាលទីមួយ និងទីបីរៀងៗខ្លួន។

CCCA បានដើរតួនាទីយ៉ាងសំខាន់ក្នុងការបង្កើតរបៀបវារៈប្រែប្រួលអាកាសធាតុ និងគាំទ្ររាជរដ្ឋាភិបាលក្នុងការរៀបចំគោលនយោបាយ យុទ្ធសាស្រ្ត និងឈានទៅដល់ការអនុវត្តសកម្មភាពជាក់ស្តែង។

ដំណាក់កាលទីបី (២០១៩-២០២៤) បានវិនិយោគលើការធ្វើឱ្យប្រសើរឡើងនូវយន្តការតម្លាភាព ការបង្កើតក្របខ័ណ្ឌច្បាប់ និងគោលនយោបាយ (ដូចជាផែនការបច្ចុប្បន្នភាពការចូលរួមចំណែករបស់ជាតិដើម្បីអនុវត្តអនុសញ្ញាក្របខ័ណ្ឌអនុសញ្ញាសហប្រជាជាតិស្តីពីការប្រែប្រួលអាកាសធាតុនិងយុទ្ធសាស្ត្រអភិវឌ្ឍន៍រយៈពេលវែងប្រកបដោយអព្យាក្រឹតកាបូន) ធានាឱ្យមានការចូលរួមរបស់ក្រសួងបរិស្ថាន ក្រសួងសេដ្ឋកិច្ច និងហិរញ្ញវត្ថុ និងលើកកម្ពស់នវានុវត្តន៍ពីថ្នាក់ក្រោម តាមរយៈការផ្តល់ហិរញ្ញប្បទានឥតសំណង ដែលផ្តល់អាទិភាពដល់វិស័យចំនួនប្រាំ រួមមាន បរិស្ថាន ថាមពល អភិវឌ្ឍន៍ជនបទ ដឹកជញ្ជូន និងវិស័យអប់រំ។

សមិទ្ធផលកម្មវិធីសម្ព័ន្ធភាពប្រែប្រួលអាកាសធាតុកម្ពុជា ដំណាក់កាលទី៣ (CCCA3)

Related document